فهد بن مناحي بن دعسان
07-23-2009, 11:32 AM
السلام عليكم ورحمة الله وبركاته
مساجله بيني وبين الشاعر / ناصر بن شعف بن عيدان رحمه الله في عام 1416 هـ
قلت=
فتحت انا بيبان زين الطواريق = يشفي الكبود اللي تمكن ظماها
لولا الحنايا تمسكه والمعاليق = تناوش الهقوه وعدا وراها
قال ناصر=
طير ٍ تشده محكمات المسابيق = غصب ٍ عليه مطاوع ٍ في رضاها
وجدي على هرج النشاما المطاليق = ماهيب تردد لي سوالف نساها
قلت=
وسط المجالس بالسوالف مطافيق = سوالف ٍ هزله قليل ٍ حلاها
راحت جمال عقيل فكاكة الضيق = اللي مع اللبيداء طوالن خطاها
قال ناصر=
اصدورهم للسر مثل الصناديق = اسرارهم محد ٍ كشفلك غطاها
اهل الحمايا وبالمكارم هداليق = يثني عليها اللي شبع في قراها
قلت=
امقابل الرديان قلت توافيق = الله يقطع نفعت ٍ من وراها
ابعد عن اهل المصلحه واللصاميق = عساك تسلم لا ينوشك حصاها
قال ناصر=
امجنبن ادروب ركابت زريق = لو ضوهم من بعد يجذب سناها
وانصا الربوع اللي علينا مشافيق = اللي تقدرنا ونعرف غلاها
قلت=
وممساك في روض ٍ نباته زماليق = تراه للكبد العليله شفاها
ومشراف رجم ٍ في لهوده صعافيق = يشّرف على ربع ٍ يشوقك نباها
قال ناصر=
يازين مشرافه على فكت الريق = والارض رويانه جديد ٍ ثراها
ومقهور ذود ٍ تردعه حزت شريق = قدام ذود ٍ غالين مشتراها
قلت=
ونار ٍ عليها دلتينن واباريق = والماء قراح ٍ فوق نقعت صفاها
وشقرن عليها المرشحه للملاحيق = لا صاح صياحن تطابق حذاها
قال ناصر=
لا نقضوا عهد الولاء والمواثيق = قوم ٍ تبذ اللي يجي في نجاها
نكسر شباهم بالقنا والتفافيق = لين الوجيه العبس تعطي قفاها
قلت=
عاداتنا فتح الدروب المغاليق = نسر الليالي لاتراكم دجاها
حنا لها وقت اللوازم عشاشيق = كم دار قوم ٍ قد سهجنا حماها
مساجله بيني وبين الشاعر / ناصر بن شعف بن عيدان رحمه الله في عام 1416 هـ
قلت=
فتحت انا بيبان زين الطواريق = يشفي الكبود اللي تمكن ظماها
لولا الحنايا تمسكه والمعاليق = تناوش الهقوه وعدا وراها
قال ناصر=
طير ٍ تشده محكمات المسابيق = غصب ٍ عليه مطاوع ٍ في رضاها
وجدي على هرج النشاما المطاليق = ماهيب تردد لي سوالف نساها
قلت=
وسط المجالس بالسوالف مطافيق = سوالف ٍ هزله قليل ٍ حلاها
راحت جمال عقيل فكاكة الضيق = اللي مع اللبيداء طوالن خطاها
قال ناصر=
اصدورهم للسر مثل الصناديق = اسرارهم محد ٍ كشفلك غطاها
اهل الحمايا وبالمكارم هداليق = يثني عليها اللي شبع في قراها
قلت=
امقابل الرديان قلت توافيق = الله يقطع نفعت ٍ من وراها
ابعد عن اهل المصلحه واللصاميق = عساك تسلم لا ينوشك حصاها
قال ناصر=
امجنبن ادروب ركابت زريق = لو ضوهم من بعد يجذب سناها
وانصا الربوع اللي علينا مشافيق = اللي تقدرنا ونعرف غلاها
قلت=
وممساك في روض ٍ نباته زماليق = تراه للكبد العليله شفاها
ومشراف رجم ٍ في لهوده صعافيق = يشّرف على ربع ٍ يشوقك نباها
قال ناصر=
يازين مشرافه على فكت الريق = والارض رويانه جديد ٍ ثراها
ومقهور ذود ٍ تردعه حزت شريق = قدام ذود ٍ غالين مشتراها
قلت=
ونار ٍ عليها دلتينن واباريق = والماء قراح ٍ فوق نقعت صفاها
وشقرن عليها المرشحه للملاحيق = لا صاح صياحن تطابق حذاها
قال ناصر=
لا نقضوا عهد الولاء والمواثيق = قوم ٍ تبذ اللي يجي في نجاها
نكسر شباهم بالقنا والتفافيق = لين الوجيه العبس تعطي قفاها
قلت=
عاداتنا فتح الدروب المغاليق = نسر الليالي لاتراكم دجاها
حنا لها وقت اللوازم عشاشيق = كم دار قوم ٍ قد سهجنا حماها