أعاهد مااقول :غير.. (آمر وسم

[يعجبني تفكيرك]

قبل الغرام وقبل مااصير مغليكـ
أعاهدك مااقول : غير ..( آمر وسمْ

حتى لو إنك قلت : برحل .. وأخليك
بقول لك : تامر على ماتبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لايهمك ماني ب فيه .. مهتم

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم انا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ
*****

[فلاح بن صالح]

قصيده راقيه كرقي حضورك

لاعدمناك يالكحيله

تحياتي لك وتقديري

[عبدالله سعد]

أختي يعجبني تفكيرك

السلام عليكم ورحمه الله وبركاته

رائع بهذا النص الفارق في العاطفة

شعور جميل وأبيات عذبة

دمتي بحفظ الرحمن

[يعجبني تفكيرك]

مشكورين على الحضور الطيب

[غزال وقايد غزلان]

:

صح لساااانس قصدية حلوه كحلاوة طلتك

[متعب بن فواز]

يعجبني تفكيرك

قصيدهـ في قمه الروعه

وآختيآر اروووع

لآهنتي ،،

تحياتي

:)

[يعجبني تفكيرك]

مشكورين على المرورالرااائع

[أشواااك ناعمه]

قصيده رائعه لاعدمتك
الابداع ميزه تفتخر انها تنتمي لشخصيتك
دمتي كما تحبين

[يعجبني تفكيرك]

أشوااااك ناعمه

الابداع في حضورك الراااائع

[يعجبني تفكيرك]

أشواااك ناعمه
الابداع في مرورك الرااائع

[ولد ال عبيد]

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ

تسلم يمناك على الطرح


تحياتي لك