تهت في حبه ... للشاعر إبراهيم محمد السهلي

[إبراهيم محمد السهلي]

بسم الله الرحمن الرحيم



السلام عليكم ورحمة الله وبركاته
..
..






آه من قلب ٍ سطت فيه الهموم ..
.. وآه من عين ٍ جفت حلو المنام
وآه من قلب ٍ هفت فيه العزوم ..
.. وآه من جرح ٍ بخل بالإلتئام
وآه من دمع ٍ تناثر كلّ يوم ..
.. وآه من جور المحبه والغرام
وآه من حظ ٍ مْعيّي لا يقوم ..
.. وآه من سقم ٍ سطا باقصى العظام
ياعذول القلب تكفا لا تلوم ..
.. لمتني واللوم لامثالي حرام
ماتشوف اللي بقلبي من ثلوم ..
.. وماتميّز مابحالي من سقام
حظي اللي بالهوى دايم ينوم ..
.. دلّني للي معذبني ونام
صاحب ٍ ماشفت طيفه بالحلوم ..
.. مبعد ٍ عني وانا كلي هيام
من غلاه انوح والدنيا تحوم ..
.. تهت في حبه وهو كلّ المرام
إبتعد والبعد ذا ماله لزوم ..
.. صدّق اهل الهرج واصحاب الكلام
من هواه احسّ في قلبي وْسوم ..
.. واحترق قلبي ومثلي مايلام
كنت اظنّ انّه على مثلي رحوم ..
.. وكنت اظنّه جنّه وْبرد وسلام
وماهقيت انّ الجفا منّه يدوم ..
.. لين بانت نيّته بعد الخصام


..

..

نلتقي لنرتقي ,,,



..

..

[فلاح بن صالح]

الله الله

ياسلام عليك ياشاعرنا المبدع

صح لساانك يالغالي

تحياتي لك وتقديري

[إبراهيم محمد السهلي]

بسم الله الرحمن الرحيم





السلام عليكم ورحمة الله وبركاته
..

..
الله يسلمك من كل شر يابو صالح
وياهلا فيك على صفحاتي المتواضعة
..
..